کانٹ پِر چاکرءَ

کبگ کرامیں سمین تؤ چے راهءَ گْوزئے

هردیں مان ترّتئے هانیءِ کاپرءَ

هال کن دلبرءَ

روچ سیاه اَنت مئے راجءِ راجدپترءَ

آ که باریگ اَتنت

درُست وت ماں وتا دست ءُ گْورجیگ اَتنت

هون تُنیگ اَتنت

هار ءُ میران کَستانی بندیگ اَتنت

زهم نودبندگءِ بِه میانءَ نه اَت

کارچ ءُ کاٹار اوں انچو میر شࢨهکءِ

چینچو ریهان اَتنت، چینچو رامین اَتنت انچو دࢨناں شُتنت

پہ هسّد ءُ هوس

پونز داشتگ وتی بُرز لاشاریاں

سُنٹ رنداں همے پئیم نوداں کتہ

کُل جماز اَتنت کینَگءِ اُشترءَ

جاڑوءَ زهگےءِ بددْوا اَنت سرا ، وابجاهے نبوت هرّگیں گوهرءَ

آ که باریگ اَتنت

مردُمءِ نامءَ دْرُست جِنّ ءُ جاتیگ اَتنت

کبگ کرامیں سمین تؤ چے راهءَ گوزئے

هردیں مان ترّتئے هانیءِ کاپرءَ

هال کن دلبرءَ

بلکیں نگران بئے کَمّکے هاترءَ

راست، راست اِنت ستَر جؤر ءُ کُچل ببیت

آ که یک هامگیں مهرءِ بندیکے اَت

ایوکا گوں ترا مُهر پیڑاتگ اَت

آ مُریدءَ که تؤ دِل وتی داتگ اَت

آ مُریدءَ وتی دیم ناهیں کُته

گْوَبز پِر رِتکگ اَنت سِبّیءَ یکبرءَ، مور ماں ڈاڈرءَ

هون پالاتگیں کدّهاں کئیل کنت نشته کَٹّءِسرا

زُمبیانی وڑا کانٹ پِر چاکرءَ