کیفے پِکاسو

شِکاری پیرس ءِ کیفے ءَ نندوک چرسے پیچگءَ اِنت

کش ءَ زیبائیں کاڑے مهپراں پرّیچگ ءَ اِنت

کُجام رنگ ءَ هوارینئے کجام رنگءَ

چے رنگءَ بیت

پکاسو دومی اسٹول ءِ کش ءَ اوشتوک چیزے جیڑگءَ اِنت

شِکاری سَک نگیگ انت باز بیوار اِنت

پکاسو کمے دلگوش ءَ اِدا گور کن

پکاسو ٹیلگاں پچ کن

اے دکانیں گوراں گندئے

اِے سرین ءِ کرز ءُ اِے ناپگ

همے پێیم ءَ که هامین ءَ چے کمے پیش سوراپگ

پکاسوکمو دلگوش ءَ ادا گور کن

نگندئے کَهبه مادر چوں جَوان اِنت

اے دلبند ءَبچار چوں شاهیگان اِنت

بَدن بُن گِپتگیں زیبائی ءِ رنگاں نَداریت

پکاسو یار تئی کینوس کسان ا نت